воскресенье, 30 октября 2011 г.

Серафима Пушина-Благинина: Не совсем шулдыр ӝыт

... филармониысь {Шулдыр Ӝыт} концертсы бере потыку, гардероб дорын черодын дӥськутэз возьмаса сылыку, оломае но кылӥ ни соос сярысь. Дас вить манетэн билетъёссы, шуо, нош сюдо толло ӝукен, пе. Котькуд ар, шӧдске, концертъёсазы ветло но ӵошато.

Гуртъёсын, пе, озьы но шумпото, котькуд ар учкыны лыкто. Нош татын "не совсем шулдыр ӝыт получается", шуо.

Мон но соглаш, озьыгес луэ. Вуж юморескаоссэз Анатолий Ушаков лыдӟе но вера, Галина Платонова одӥг манеръем кырӟанъёс кырӟа. Зол кесе соосын Александр Перевощиков (мунё артистмы), озьы ке но... Удмуртъёс но бырйиськыны, керӟегьяськыны кутскизы, ява. Аня Плотниковалы, пе, эшшо дышетскеыны кулэ вылэм, соку финн-угор конкурсъёсын гинэ ӧй вормысал, оло кунгож сьӧрын но паймытысал.

Одӥг кышномуртлы туж яра вылэм Геннадий Ганьков. Майкл Джексонлэсь но со мыным мусо но визьмо потэ, шуэ. Но дӥсяске, пе, соизлэсь начаргес. Эх, кыӵе мон сое дӥсясал-кутчасал, коньдонэ ке луысал, лулскылӥз кышномурт. Кунгож сьӧры яке Санкт-Петербурге дышетскыны но ыстысал на, шуэ. Отын эстрадной мастерствоя школаос тырмыт, уго. Нош асьме артистъёсмы кырӟало но верало озьыгес, кызьы дышемын асьсэ Алнаш, Можга но Шаркан ёросъёссысьтызы гуртъёсазы. Ма, умой дышемын, урод луысал, сыӵе зол ӧй кырӟасалзы. Но "мировой уровень" ӧжытак маиз ке кулэ на вылэм.

газета "Лӧпшо Педунь ", №1, 1999 год

Комментариев нет:

Отправить комментарий