четверг, 30 июля 2015 г.

Василий Никитин: "Кенеш"- лэн кулэлыкез вань меда? Татьяна Ишматова: Мон Тиледыз переубеждать карыны уг выры.

Василий Никитин
Школаосын удмурт кылэз дышетон ялан уродме, нош "Удмурт Кенеш" ялан пайдатэм съездъёс ортчытъя. Кӧня коньдон кошке, мед кутӥськысал со удмурт учебникъёслы сертификат басьтыны, книгаос поттылыны. Ку азьланьскоз вордскем кылэз дышетон?! Школаосын удмурт кылэз каллен-каллен дугдытон понна съездъёс ортчытъясько шуыса йылпумъян лэсьтыны луэ. "Удмурт Кенеш"-лэн нырысетӥ бадӟым ужпумез - анай кылэз дышетонэз паськытатон. Та ке уг быдэсъяськы, "Кенеш"- лэн кулэлыкез вань меда? Витё валэктондэс. Вождэс эн вае, мон аслэсьтым малпанме гожтӥ, со малпанъёсы ,оло, шонересь но ӧвӧл,дыр.

Татьяна Ишматова
Василий, туж умой гожтиды. Тросэзлэсь "Удмурт кенешэ" пыриськисьтэм удмуртъёслэсь малпанзэс. Мон Тиледыз переубеждать карыны уг выры. Зэм но удмурт кылэз дышетонэн бадзм проблема. Но "Кенеш" ой ке ужасал оло удмурт кылэз воксё но ой дышетысалзы ини. Сюлэм восез кинлы ке кисьтоно соин тужгес капчиез шедьтыны тушмонэз "Кенеш" огазеяськонын но соен нюръяськыны. Со асьмен - удмуртъёслэн - вирамы пычамын ог-огмес коканы. Но со бордын ужпум овол. Оген номыре лэсьтыны уг луы. Нош чош кариськыса ум быгатиське. Вотэс пыр капчи дыр дэмланъёс сётъяны но пиньёсты возьматыны. Нош зэмос улонын мыжык возьматъяса гинэ кыдёке уд кошкы. Ма сокем мылкыдды вань ке юрттыны, "Кенеш" огазеяськонэз дышетыны кызьы ужаны - лыктэ ук ми доры, ойдолэ кенешом, вераськом....

Василий Никитин
Милям удмуртъёс ас кылзэс дышетско. Татарстанысь кивалтӥсьёс милемлы дурбасьто, бигер кыл но зэмос кун кыл, нош тӥляд удмурт кылды огшоры гинэ кун кылын чотаське. Кун кыл школаын луыны кулэ. Тӥляд удмурт кыл ЕГЭлы люкетэ шуыса, асьтэос ик солы пумит мынӥськоды. Олокин луозы ни ,кылсярысь, Шарканысь Бородулиналэн дышетэмъёсыз. Быдэс Россиын бадӟым луозы-а? Уз ведь! Бигеръёс паймо ни Удмуртиын удмурт кылэз дышетымтэзылы. Мыжык возьматыны мыжыке пичи, пиньёсы ваньмыз ӧвӧл ни. Мынам сыӵе сямы ӧвӧл, мон сюлэм висенме гожтӥ. Ужаськоды бере, бен дугдытэ ни та мыдлань ужез. Ялан улӥе васькиськом, Бигеръёс сямен ужаны кулэ, кокасез уз луы. Кырӟаса-эктыса, юонъёс радъян - со удмурт кылэз ӝутон ӧвӧл Я, тырмоз, трос луэ. Вождэс эн вае, мон удмурт кыл понна. Тӥляд эшты. Районысь УКО ез усьтон бордын трос ветлӥ , нырысетӥ доклад дасяны мыным оскизы, районын трос ужрадъёс ортчытъяллямы, "Гырон быдтон" дасянын азьветлӥсьёс пӧлын вал, 20 ар ӵоже удмурт начальной школаосысь дышетӥсьёслэн огазеяськонэнызы кивалтӥ. Удмурт кылъя трос урокъёс дасялляй, семинаръёс, Куӟебай Гердлы сӥзем ӝыт Татарстанысь Минпросысь представительёслы но туж кельшиз. Тэк ӧй пукы, Татьяна. Сюлэмдэс вӧсь эн каре. Ойдолэ бигер сямен ужалом, кышкатэк, ужан интыысь ӵыжемзылэсь кышкатэк. Тэриськыса улыса, ӧс выжые вуим ни.

Татьяна Ишматова
Василий, мон одиг но Тилесьтыд малпанъёстэс шонертэмен уг лыдъяськы. Ваньмылэн со сюлэм висёнмы, ваньмыныз соглаш. Со понна ик дыр мон но кема аръёс чоже улонме герзаса удмурт калыкен но удмурт движениен улисько. Ваньзэ ведь уд вера... Мынам аслам сюлэмы пирсэктэ куке асьмеос (общественникъёс) потиськом законодательной инициативаен удмурт кылэз одно дышетоно шуыса нош асьме ик удмуртъёс вераны кутско СМИ пыр яке кивалтисьёс азьын - со кулэ овол шуыса. Куке кивалтисьмы И.Н. Семенов потаз депутатъёс азе вераськыны та ужпум сярысь Кун Кеншлэн сессияз коня депутатъёс сое поддержать каризы. Даже удмуртъёс ваньыз оз каре. Вось овол шат, малпаськоды, куке сомында кужым но дыр но визь но кошке ву сямен чиниос пыр. И туж шумпотымон Ти кадь быгатись, визьмо удмурт адямиосмы вань шуыса кудъёсызлэн сюлэмзы висе удмуртлык понна. но люкиськыны асьмелы уг яра, куспамы но пыд пуктылисьёс, люкыны тыршисьёс трос. Озьы собере капчигес кивалтыны ук - "Разделяй и властвуй" выллем луэ.

Василий Никитин
Татьяна, асьмеос огкадь висёнэн висиськом. Тодӥсько мон удмурт депутатъёсты но, Ялан лыдӟисько "Удмурт дунне" газетэз, аслам но кӧня пол Пичи кенешъёсы ветлэме вань. Кудӥз съездэ мынӥськом шуыса, ӵыжы-выжыоссы дорын кунояськыса бертӥсьёс луылӥзы(съездэ пырытэк). Мар витёд сыӵеослэсь! Дышетӥсьёс,мукет интеллигенция пӧлын но трос гинэ удмурт кыллы пумитъёс. А.Соловьёв но кулэен уг лыдъя( верамез газетын потэм вал). Удмуртъёс кулэ луыку, быръёнъёс азьын люказ. Я, ӟеч ужалэ, Юсь, Чипей но Рак кадь ум улэ. Мон верамысь куажак эн лу. Чечы (тыршисьёс) пушкы тэкит (сураськисьёс) понӥсьёс луэм бере, куара потэ ни со. Трос-трос вераським. Асьмеос ог-огмес валамы, со ини туж умой!

Басьтэмын татысен

Комментариев нет:

Отправить комментарий