пятница, 31 октября 2014 г.

Татьяна Ишматова: удмурт анай луыны - бадзым уж.

Удмурт анай луыны - бадзым уж. 

Капчи ик овол городын зуч кылын вераськись окружениын будэтыны удмурт пиналэз.Пичиез нылы али гинэ (милемлы 1,4) вераськыны кутске. Малпасько солы туж ик капчи ой вал бырйыны кызьы вераськыны куке соин кык кылын верасько - мон - удмуртэн нош атаез но апаез - зучен. Бабушъёсмы удмуртэн верасько но ми соосты туж ик чом ум адзьылиське. Нылы "бака", "зычы", "нянь", "ву" кылъёс вераны кутскем бераз сыче шумпотисько вал нош мукет пиналъёсын шудэмез бере "вай" кыл интые "дай" шуыны кутскиз. Сюлмы ик чигиз. Вай мунёдэ шуисько но со мыным "кукока" шуыса вазе. Сыче лоптэ куке зуч книгаез лыдзьыку вала мар сярысь верамын угось азьло кылзэмез но уг пот вал - номыре уг вала Чуковскиез лыдзьыкумы. Нош изоляторын кадь пиналэз уд возь ук. Мультфильмъёс - зуч кылын, книгаос - зуч кылын, пичи эшъёсмы - зуч кылын вераськисьёс. Нылпи садэ ветлим тодматскыны но отын но шуизы - кемагес дорады пукытыны тыршэ удмурт кылын вераськытэмды пиналдэс потэ ке, садике лыктыса со соку ик зучомоз. Семьяям но мон гинэ удмурт кылын вераськисько бере пичиез нылы туж умой вала удмурт но зуч кылъёсты но туж-туж куректисько зуч кылын вераськины кутскоз шуыса. Та шудонъёсты но, кудзэ улаз бырттисько, аслым ик удмурт кылэ берыктоно луэ.



Комментариев нет:

Отправить комментарий